Алматыда Кездесу.кз

12:47 AM | Жаңалықтар Автор: Админ ағай Аршат

Сонымен көптен күткен Алматыдағы Кездесу де өте шықты. Алматыға баруымыздың негізгі себебі журналистерге арналған, Мінбер.кз тарапынан ұйымдастырылған тренинг-семинар еді. Күндізгі уақытымыз тренингте өтіп, ал кешкісін сайт қолданушыларымен кездесеміз деп жоспарлаған болатынбыз.

Алғашқы күні Кездесуге келуші саны аз болғанымен, келесі күнгі кездесуге көп адам келді. Сондай ақ тренингтен кейін алматылық блогшылармен араласып волейбол ойнадық. Алдын ала келісілген волейбол залы кей себептерге байланысты жабық болып қалса да басқа алаң, тор және доп тауып алып ойынымызды да сәтті ойнадық.

Кафедегі кездесулерімізде алдымен бір бірімізбен танысып алдық. Сайтқа қатысты пікірлерін айтты жұрт. Сосын қыздар ұсыныс тастап, енді алдағы уақытты қыздарға арналған Арулар сайтын қайтадан жасайтын болдым. Нұрберген Мақымның идеясымен ана мен балаға арналған бір сайт жасауды да жоспарлап отырмыз.

Бәріңізбен танысқаныма қуаныштымын! Алда талай кездесулерде кездескенше достар!

Кездесуге қатысқандар:

Ерлан Оспан, Нұрғиса, Патик, Омар бырат, Нұрберген, Қуаныш, Жалғас, Жеңіс Маткаримов, Мейіржан, Ақұдай Сәкен, Асхат Еркімбай, Салтанат, Ақзере Анар, Айкона, Макош Мақпал, Қожақанова Мақпал, Тоты, Мейіргүл, Алтынай, Кәмшәт, Айко.

(егер аттарыңыды қате жазсам немесе жазуды ұмытып кеткендерім болса айтарсыздар)